ನಿಕೆಲ್‌ ಸ್ಥಾವರದಲ್ಲಿ ಸ್ಫೋಟ: 13 ಮಂದಿ ಸಾವು

ಜಕಾರ್ತ: ಸಲಾವೇಸಿ ದ್ವೀಪದಲ್ಲಿರುವ ಚೀನಾ ಒಡೆತನದ ನಿಕೆಲ್‌ ಉತ್ಪಾದನಾ ಸ್ಥಾವರದಲ್ಲಿ ಭಾನುವಾರ ಸಂಭವಿಸಿದ ಸ್ಫೋಟದಲ್ಲಿ ಕನಿಷ್ಠ 13 ಕಾರ್ಮಿಕರು ಮೃತಪಟ್ಟು 46 ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ.

ಸಲಾವೇಸಿ ಮಧ್ಯ ಪ್ರಾಂತ್ಯದ ಮೊರವಾಲಿ ಇಂಡಸ್ಟ್ರಿಯಲ್‌ ಪಾರ್ಕ್‌ ನಲ್ಲಿರುವ ಪಿಟಿ ಇಂಡೋನೇಷ್ಯಾ ಟಂಗ್‌ ಶಾನ್‌ ಸ್ಟೇನ್‌ ಲೆಸ್‌ ಸ್ಟೀಲ್‌ ಒಡೆತನದ ಸ್ಥಾವರದಲ್ಲಿ ಈ ದುರ್ಘಟನೆ ನಡೆದಿದೆ. ಮೃತರಲ್ಲಿ ಒಂಭತ್ತು ಮಂದಿ ಇಂಡೋನೇಷ್ಯಾ ಕಾರ್ಮಿಕರು, ನಾಲ್ವರು ಚೀನಾದ ಕಾರ್ಮಿಕರಾಗಿದ್ದಾರೆ.