ನಟಿ ಮೀರಾ ಜಾಸ್ಮಿನ್ ತಂದೆ ಜೋಸೆಫ್ ಫಿಲಿಪ್ ನಿಧನ

ಬೆಂಗಳೂರು: ನಟಿ ಮೀರಾ ಜಾಸ್ಮಿನ್ ಅವರ ತಂದೆ ಜೋಸೆಫ್ ಫಿಲಿಪ್ ಅವರು ಕೇರಳದ ಎರ್ನಾಕುಲಂನಲ್ಲಿ ನಿಧನರಾದರು. ಅವರಿಗೆ 83 ವರ್ಷ ವಯಸ್ಸಾಗಿತ್ತು. ನಟಿ ಇದೀಗ ತಂದೆಯ ಫೋಟೊಗಳನ್ನು ಹಂಚಿಕೊಂಡು ಭಾವುಕರಾಗಿದ್ದಾರೆ.

ವಯೋಸಹಜ ಕಾಯಿಲೆಯಿಂದ ಜೋಸೆಫ್ ಫಿಲಿಪ್ ಬಳಲುತ್ತಿದ್ದರು ಎನ್ನಲಾಗಿದೆ. ಜೋಸೆಫ್ ಫಿಲಿಪ್ ಅಂತ್ಯಕ್ರಿಯೆ ಭಾನುವಾರ (ಏ.7) ಕೇರಳದಲ್ಲಿ ನಡೆಯಲಿದೆ ಎಂದು ವರದಿಯಾಗಿದೆ.

ಸಾಮಾಜಿಕ ಮಾಧ್ಯಮ ಪೋಸ್ಟ್‌ನೊಂದಿಗೆ ತಂದೆಯ ನಿಧನದ ಸುದ್ದಿಯನ್ನು ನಟಿ ಹೇಳಿಕೊಂಡಿದ್ದಾರೆ.

ಮೀರಾ ಅವರ ಪೋಸ್ಟ್‌ ಮೊದಲ ಫೋಟೊದಲ್ಲಿ ತಂದೆಯ ಹಳೆಯ ಫೋಟೊ ಮತ್ತು ಇನ್ನೆರಡು ಚಿತ್ರಗಳಲ್ಲಿ ಕುಟುಂಬದ ಜತೆ ಇರುವ ಫೋಟೊ ಹಂಚಿಕೊಂಡಿದ್ದಾರೆ. ಫೋಟೊ ಜೊತೆಗೆ ಮೀರಾ, "ನಾವು ಮತ್ತೆ ಭೇಟಿಯಾಗುವವರೆಗೆ" ಎಂದು ಬರೆದು ಬಿಳಿ ಹೃದಯದ ಇಮೋಜಿ ಬರೆದುಕೊಂಡಿದ್ದಾರೆ.