ಸ್ವಾತಂತ್ರ್ಯದ ಜೀವನಕ್ಕಾಗಿ IPS ಹುದ್ದೆಗೆ ರಾಜೀನಾಮೆ

ನವದೆಹಲಿ: ಅಸ್ಸಾಂ-ಮೇಘಾಲಯ ಕೇಡರ್ ನ ೨೦೧೧ ನೇ ಬ್ಯಾಚ್ ನ ಐ.ಪಿ.ಎಸ್‌ ಅಧಿಕಾರಿ ಆನಂದ್ ಮಿಶ್ರಾ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ.
ಮೂಲತಃ ಬಿಹಾರದವರಾದ ಇವರು ಪ್ರಸ್ತುತ ಅಸ್ಸಾಂನ ಲಖೀಂಪುರ್ ಜಿಲ್ಲೆಯ ಪೋಲೀಸ್ ವರಿಷ್ಠಾಧಿಕಾರಿಯಾಗಿದ್ದರು. ಮಣಿಪುರ ಹಿಂಸಾಚಾರದ ತನಿಖಾ ತಂಡದ ಭಾಗವಾಗಿ ಇವರನ್ನು ಮಣಿಪುರಕ್ಕೆ ಕಳುಹಿಸಲಾಗಿತ್ತು.
ತಮ್ಮ ಪ್ರಾಮಾಣಿಕ ಹಾಗು ಗಂಭೀರ ನಡತೆಯಿಂದ ಅಸ್ಸಾಂ ಸಿಂಗಂ ಎಂದು ಖ್ಯಾತರಾಗಿದ್ದ ಮಿಶ್ರಾ ಸಾಮಾಜಿಕ ಜಾಲತಾಣಗಳಲ್ಲಿಯೂ ಅನೇಕ ಹಿಂಬಾಲಕರನ್ನು ಹೊಂದಿದ್ದಾರೆ. ಇದೀಗ ಇವರು ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ್ದು, ಪತ್ರದಲ್ಲಿ ʼಸ್ವಾತಂತ್ರ್ಯʼ ಮತ್ತು ʼಸ್ವತಂತ್ರ ಜೀವನʼಕ್ಕಾಗಿ ಈ ನಿರ್ಧಾರವೆಂದು ತಿಳಿಸಿದ್ದಾರೆ.