ಮದ್ಯಪಾನ ಮಾಡಿ ಬಂದ ಶಿಕ್ಷಕನಿಗೆ ಮಕ್ಕಳಿಂದ ಚಪ್ಪಲಿಯೇಟು: ವಿಡಿಯೋ ವೈರಲ್
ಛತ್ತೀಸ್ಗಡ ರಾಜ್ಯದ ಬಸ್ತರ್ ಜಿಲ್ಲೆಯಲ್ಲಿ ವಿಚಿತ್ರ ಘಟನೆ ಬೆಳಕಿಗೆ ಬಂದಿದೆ. ತಪ್ಪು ಮಾಡಿದ ಶಿಕ್ಷಕನಿಗೆ ಶಾಲೆಯ ಮಕ್ಕಳೇ ಸರಿಯಾದ ಪಾಠ ಕಲಿಸಿದ್ದಾರೆ.
01:59 PM Mar 26, 2024 IST
|
Ashitha S
ಛತ್ತೀಸ್ಗಡ: ಛತ್ತೀಸ್ಗಡ ರಾಜ್ಯದ ಬಸ್ತರ್ ಜಿಲ್ಲೆಯಲ್ಲಿ ವಿಚಿತ್ರ ಘಟನೆ ಬೆಳಕಿಗೆ ಬಂದಿದೆ. ತಪ್ಪು ಮಾಡಿದ ಶಿಕ್ಷಕನಿಗೆ ಶಾಲೆಯ ಮಕ್ಕಳೇ ಸರಿಯಾದ ಪಾಠ ಕಲಿಸಿದ್ದಾರೆ.
Advertisement
ಬಸ್ತರ್ ಜಿಲ್ಲೆಯ ಈ ಶಿಕ್ಷಕ ಪ್ರತಿದಿನ ಮದ್ಯಪಾನ ಮಾಡಿ ಶಾಲೆಗೆ ಬರುತ್ತಿದ್ದ. ಕುಡಿದು ಬರುವುದಲ್ಲದೇ ಶಾಲೆಯಲ್ಲಿ ಮಕ್ಕಳನ್ನು ಕೆಟ್ಟದಾಗಿ ನಿಂದಿಸುತ್ತಿದ್ದ. ಕುಡುಕ ಶಿಕ್ಷಕನ ವರ್ತನೆಗೆ ರೋಸಿ ಹೋದ ಮಕ್ಕಳು ಇಂದು ಸಖತ್ತಾಗೇ ಬಿಸಿ ಮುಟ್ಟಿಸಿದ್ದಾರೆ.
ಎಂದಿನಂತೆ ಮದ್ಯಪಾನ ಮಾಡಿದ ಶಿಕ್ಷಕ ತನ್ನ ಬೈಕ್ನಲ್ಲಿ ಶಾಲೆಗೆ ಬರುತ್ತಿದ್ದ. ಆಗ ರೋಸಿ ಹೋಗಿದ್ದ ಮಕ್ಕಳು ಕಲ್ಲು, ಚಪ್ಪಲಿಯಿಂದ ಹೊಡೆದಿದ್ದಾರೆ. ಶಾಲೆಗೆ ಕುಡುಕ ಶಿಕ್ಷಕ ಬರುತ್ತಿದ್ದಂತೆ ಅಟ್ಟಾಡಿಸಿಕೊಂಡು ಹೋಗಿ ಚಪ್ಪಲಿಯನ್ನು ಎಸೆದಿದ್ದಾರೆ.
Advertisement
ಛತ್ತೀಸ್ಗಡ ಶಾಲೆಯ ಮಕ್ಕಳ ಈ ಆಕ್ರೋಶದ ವಿಡಿಯೋವನ್ನು ಸೆರೆ ಹಿಡಿಯಲಾಗಿದೆ. ಸೋಷಿಯಲ್ ಮೀಡಿಯಾದಲ್ಲಿ ಶಿಕ್ಷಕನಿಗೆ ಬುದ್ಧಿ ಕಲಿಸಿದ ಮಕ್ಕಳ ವಿಡಿಯೋ ವೈರಲ್ ಆಗಿದ್ದು, ಮಕ್ಕಳ ಕಾರ್ಯಕ್ಕೆ ಬಹಳ ಮೆಚ್ಚುಗೆ ವ್ಯಕ್ತವಾಗಿದೆ.
Advertisement
Next Article