ಲಿಯೋ ಡೈರೆಕ್ಟರ್ ಲೋಕೇಶ್ ಕನಗರಾಜ್​ ವಿರುದ್ಧ ದೂರು

ಚೆನ್ನೈ  : ಲಿಯೋ ಡೈರೆಕ್ಟರ್ ಲೋಕೇಶ್ ಕನಗರಾಜ್ ಗೆ ಸಂಕಷ್ಟ ಎದುರಾಗಿದೆ. ಇವರ ವಿರುದ್ಧ ನ್ಯಾಯಾಲಯಲದಲ್ಲಿ ದೂರು ದಾಖಲಾಗಿದೆ.

ಸ್ಟಾರ್‌ ಡೈರೆಕ್ಟರ್ ಲೋಕೇಶ್ ಕನಗರಾಜ್ ವಿರುದ್ಧ ರಾಜ ಮುರುಗನ್ ಎಂಬ ವ್ಯಕ್ತಿ ಮಧುರೈ ಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಿದ್ದಾರೆ. ಕಳೆದ ವರ್ಷ ಬಿಡುಗಡೆಯಾದ ಲಿಯೋ ಸಿನಿಮಾದಲ್ಲಿ ಬಹುತೇಕ ದೃಶ್ಯಗಳು ಹಿಂಸಾತ್ಮಕವಾಗಿವೆ. ಬಂದೂಕು, ಚಾಕು, ಕಬ್ಬಿಣದ ಸರಳುಗಳಿಂದ ಹಿಂಸಾತ್ಮಕತೆಯನ್ನು ಹೆಚ್ಚು ತೋರಿಸಲಾಗಿದೆ. ಮಹಿಳೆಯರು ಮತ್ತು ಮಕ್ಕಳನ್ನು ಕೊಲ್ಲುವ ದೃಶ್ಯಗಳಿವೆ, ಮಾದಕದ್ರವ್ಯ ಸೇವನೆ ಮತ್ತು ಜನರನ್ನು ಹಿಂಸಿಸುವ ಸೀನ್​ಗಳನ್ನ ಹೆಚ್ಚು ತೋರಿಸಲಾಗಿದೆ.

ಪೊಲೀಸ್ ಇಲಾಖೆಯ ನೆರವಿನಿಂದ ಎಲ್ಲ ರೀತಿಯ ಕ್ರಿಮಿನಲ್ ಚಟುವಟಿಕೆಗಳನ್ನು ಮಾಡಬಹುದು ಎಂಬ ದೃಶ್ಯಗಳೂ ಚಿತ್ರದಲ್ಲಿವೆ. ಇದರಿಂದ ಸಿನಿಮಾ ನೋಡುವ ಚಿಕ್ಕ ಮಕ್ಕಳು ದಾರಿತಪ್ಪುವ ಸಾಧ್ಯತೆ ಇದೆ ಎಂದು ಅರ್ಜಿಯಲ್ಲಿ ರಾಜ ಮುರುಗನ್ ತಿಳಿಸಿದ್ದಾರೆ.