ಜಿಬೂಟಿ: 77 ಮಂದಿ ವಲಸಿಗರಿದ್ದ ದೋಣಿ ಮುಳುಗಿ 21 ಮಂದಿ ಸಾವು

ಜಿಬೂಟಿ:  ಆಫ್ರಿಕ ಖಂಡದ ಜಿಬೂಟಿ ದೇಶದ ಕರಾವಳಿಗೆ ಹೊಂದಿಕೊಂಡ ಸಮುದ್ರದಲ್ಲಿ 77 ಮಂದಿ ವಲಸಿಗರನ್ನು ಹೊತ್ತ ದೋಣಿಯೊಂದು ಮುಳುಗಿ  21 ಮಂದಿ ಸಾವನ್ನಪ್ಪಿದ್ದು 23 ಜನರು ನಾಪತ್ತೆಯಾಗಿದ್ದಾರೆ.

ದೋಣಿಯಲ್ಲಿದ್ದವರಲ್ಲಿ ಮಕ್ಕಳೂ ಸೇರಿದ್ದಾರೆ ಎಂದು ಇಂಟರ್‌ನ್ಯಾಶನಲ್ ಆರ್ಗನೈಸೇಶನ್ ಫಾರ್ ಮೈಗ್ರೇಶನ್ (ಐಒಎಂ) ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಎಕ್ಸ್‌ನಲ್ಲಿ ಪೋಸ್ಟ್‌ನಲ್ಲಿ ತಿಳಿಸಿದೆ.

ಮೃತರೆಲ್ಲರೂ ಇಥಿಯೋಪಿಯನ್ನರು ಎಂದು ಹೇಳಲಾಗಿದೆ.

ಆಫ್ರಿಕಾದ ಹಾರ್ನ್‌ನಿಂದ, ವಿಶೇಷವಾಗಿ ಇಥಿಯೋಪಿಯಾ ಮತ್ತು ಸೊಮಾಲಿಯಾದಿಂದ ವಲಸಿಗರು, ಸೌದಿ ಅರೇಬಿಯಾ ಮತ್ತು ಇತರ ಗಲ್ಫ್ ರಾಷ್ಟ್ರಗಳಿಗೆ ಕೆಲಸ ಹುಡುಕುವ ಗುರಿಯೊಂದಿಗೆ ಜಿಬೂಟಿ ಮೂಲಕ ಖಂಡವನ್ನು ತೊರೆಯುತ್ತಿದ್ದಾರೆ.