ಮೊಬೈಲ್​ ನೋಡುತ್ತಿದ್ದ ಪತ್ನಿ ಮೇಲೆ ಗುಂಡು ಹಾರಿಸಿದ ಪತಿ: ವಿಡಿಯೋ ವೈರಲ್

ರಾಜಸ್ಥಾನ: ಪತಿಯೋರ್ವ ಅಂಗಡಿಯಲ್ಲಿ ಕುಳಿತ್ತಿದ್ದ ಪತ್ನಿಗೆ ಗುಂಡು ಹಾರಿಸಿ ಹತ್ಯೆಗೈದ ಘಟನೆ ಫಲೋಡಿ ಜಿಲ್ಲೆಯಲ್ಲಿ ಬೆಳಕಿಗೆ ಬಂದಿದೆ. ಪತ್ನಿಯನ್ನು ಕೊಲೆ ಮಾಡಿದ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಪತಿ ಮಹಿರಾಮ್​ ತನ್ನ ಪತ್ನಿಯ ಮೇಲೆ ಗುಂಡು ಹಾರಿಸಿದ ಆರೋಪಿ. ಈತನಿಗೆ ಮತ್ತು ಪತ್ನಿಗೆ ಎರಡು ವರ್ಷಗಳ ಹಿಂದೆ ಜಗಳ ನಡೆದಿತ್ತು. ಹಾಗಾಗಿ ಇಬ್ಬರು ಪ್ರತ್ಯೇಕವಾಗಿ ವಾಸಿಸುತ್ತಿದ್ದರು. ಆದರೆ ನಾಗೌರ್​ ರಸ್ತೆಯಲ್ಲಿರುವ ಪತ್ನಿಯ ಅಂಗಡಿಗೆ ಬಂದ ಮಹಿರಾಮ್ ಮೊದಲಿಗೆ ಜಗಳ ಮಾಡಿ​ ತನ್ನ ಕೈಯಲ್ಲಿದ್ದ ಗನ್​ನಿಂದ ಆಕೆಗೆ ಶೂಟ್​​ ಮಾಡಿದ್ದಾನೆ.

ಪತ್ನಿಗೆ ಗುಂಡು ಹಾರಿಸಿದ ಬಳಿಕ ಮಹಿರಾಮ್​ ಅಲ್ಲಿಂದ ಕಾಲ್ಕಿತ್ತಿದ್ದಾನೆ. ಇದನ್ನು ಕಂಡ ಸ್ಥಳೀಯರು ಆಕೆಯನ್ನು ಆಸ್ಪತ್ರೆಗೆ ಸಾಗಿಸಿದ್ದಾರೆ. ಆದರೆ ಅಷ್ಟರಲ್ಲಾಗಲೇ ಆಕೆ ಸಾವನ್ನಪ್ಪಿದ್ದಾಳೆ.

ಇನ್ನು ಪತ್ನಿಯನ್ನು ಕೊಂದ ಪತಿ ಮಹಿರಾಮ್​ಗಾಗಿ ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ.