ಐಫೋನ್ ಮತ್ತು ಐಪ್ಯಾಡ್ ಬಳಕೆದಾರರೇ ಎಚ್ಚರ!
ದೆಹಲಿ: ಐಫೋನ್ ಮತ್ತು ಐಪ್ಯಾಡ್ ಬಳಕೆದಾರರು ಓದಲೇಬೇಕಾದ ಸುದ್ದಿ ಇದು. CERT-In ಅಥವಾ ಇಂಡಿಯನ್ ಕಂಪ್ಯೂಟರ್ ಎಮರ್ಜೆನ್ಸಿ ರೆಸ್ಪಾನ್ಸ್ ಟೀಮ್ ಭಾರತೀಯ ಆ್ಯಪಲ್ ಉತ್ಪನ್ನ ಬಳಕೆದಾರರಿಗೆ ಎಚ್ಚರಿಕೆ ಸಂದೇಶ ರವಾನಿಸಿದೆ. ಮಾರ್ಚ್ 15ರಂದು CERT-In(Computer Emergency Response Team) ವೆಬ್ಸೈಟ್ನಲ್ಲಿ ಮಾಹಿತಿ ಹಂಚಿಕೊಂಡಿದೆ.
ಹಂಚಿಕೊಂಡಿರುವ ಮಾಹಿತಿ ಪ್ರಕಾರ, ಆ್ಯಪಲ್ ಐಒಎಸ್ ಮತ್ತು ಐಪ್ಯಾಡ್ಒಎಸ್ನಲ್ಲಿ ದುರ್ಬಲತೆಯನ್ನು ಕಂಡುಹಿಡಿದಿದೆ. ಇದರಿಂದ ಡೇಟಾ ಖದೀಮರಿಗೆ ಅಥವಾ ಹ್ಯಾಕರ್ಸ್ಗಳು ಸಿಸ್ಟಂ ನಿಯಂತ್ರಣವನ್ನು ಸಾಧಿಸಲು ಸಾಧ್ಯವಾಗುವ ಚಾನ್ಸ್ ಇದೆ ಎಂದು ಹೇಳಿದೆ.
ಮಾತ್ರವಲ್ಲದೆ, ಸದ್ಯ ಕಂಡು ಬಂದಿರುವ ನ್ಯೂನತೆಯಿಂದ ಕಾರ್ಯನಿರ್ವಹಿಸದೇ ಇರಬಹುದು, ಅಥವಾ ಯಾವುದೋ ಕೋಡ್ ಬಳಸಿ ಖಾಸಗಿ ಡೇಟಾವನ್ನು ಕದಿಯಬಹುದು ಎಂದು ಹೇಳಿದೆ.
ಮುಖ್ಯವಾಗಿ ಈ ದೋಷವು iOS ಮತ್ತು Ipads ವರ್ಷನ್ 16.7.6 ಡಿವೈಸ್ಗಳಾದ iPhone 8, iPhone8 plus, iPhone X, iPad 5th ಜನರೇಷನ್, iPad Pro 9.7 ಇಂಚು ಮತ್ತು iPad Pro 12.9 ಇಂಚಿನ ಮೊದಲ ಜನರೇಷನ್ಗಳಿಗೆ ಪರಿಣಾಮ ಬೀರಲಿದೆ.
ಹೀಗಾಗಿ ಐಫೋನ್ ಬಳಕೆದಾರರು ಜಾಗರೂಕರಾಗಿರಿ ಎಂದು ಇಂಡಿಯನ್ ಕಂಪ್ಯೂಟರ್ ಎಮರ್ಜೆನ್ಸಿ ರೆಸ್ಪಾನ್ಸ್ ಟೀಮ್ ತನ್ನ ವೆಟ್ಸೈಟ್ನಲ್ಲಿ ಮಾಹಿತಿ ಹಂಚಿಕೊಂಡಿದೆ.