ಧೋನಿ ಅಭಿಮಾನಿಗಳಿಗೆ ಚಮಕ್ ಕೊಟ್ಟ ರವಿಂದ್ರ ಜಡೇಜಾ; ವಿಡಿಯೋ ವೈರಲ್
ಚೆನ್ನೈ: ಕಳೆದ ದಿನ ಚೆನ್ನೈನಲ್ಲಿ ಕೋಲ್ಕತ್ತ ನೈಟ್ ರೈಡರ್ಸ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಮುಖಾಮುಖಿ ಆಗಿದ್ದವು. ಈ ವೇಳೆ ಸಿಎಸ್ಕೆ ತಂಡದ ಎಂಎಸ್ ಧೋನಿ ಅಭಿಮಾನಿಗಳಿಗೆ ರವೀಂದ್ರ ಜಡೇಜಾ ಚಮಕ್ ಕೊಟ್ಟ ಪ್ರಸಂಗ ನಡೆಯಿತು.
ಎರಡನೇ ಇನ್ನಿಂಗ್ಸ್ನಲ್ಲಿ ಬ್ಯಾಟಿಂಗ್ ಮಾಡ್ತಿದ್ದ ಸಿಎಸ್ಕೆ ತಂಡವು 16.5ನೇ ಓವರ್ನಲ್ಲಿ ಶಿವಂ ದುಬೆ ವಿಕೆಟ್ ಕಳೆದುಕೊಂಡಿತ್ತು. ಈ ವೇಳೆ ಮೂರು ವಿಕೆಟ್ ಕಳೆದುಕೊಂಡು 135 ರನ್ಗಳಿಸಿತ್ತು. ಸಿಎಸ್ಕೆಗೆ ಗೆಲ್ಲಲು ಕೇವಲ ಮೂರು ರನ್ಗಳ ಅಗತ್ಯ ಇತ್ತು. ದುಬೆ ವಿಕೆಟ್ ಬಿದ್ದ ಬಳಿಕ ಕ್ರೀಸ್ಗೆ ಯಾರು ಬರುತ್ತಾರೆ ಎಂಬ ನಿರೀಕ್ಷೆ ಹೆಚ್ಚಾಗಿತ್ತು.
ಈ ವೇಳೆ ರವಿಂದ್ರ ಜಡೇಜಾ, ಡ್ರೆಸ್ಸಿಂಗ್ ರೂಮ್ನಿಂದ ಬ್ಯಾಟಿಂಗ್ ಬಂದಂತೆ ಮೈದಾನದತ್ತ ಬರುತ್ತಾರೆ. ಆಗ ಧೋನಿ ಅಭಿಮಾನಿಗಳು, ತಲಾ, ಧೋನಿ ಎಂದು ಜೋರಾಗಿ ಕೂಗುತ್ತಾರೆ. ನಂತರ ಜಡೇಜಾ, ನಗಾಡುತ್ತ ವಾಪಸ್ ಡ್ರೆಸ್ಸಿಂಗ್ ರೂಮ್ಗೆ ಹೋಗುತ್ತಾರೆ. ಆಗ ಧೋನಿ ಮೈದಾನಕ್ಕೆ ಬರುತ್ತಾರೆ. ಅಭಿಮಾನಿಗಳ ಝೈಂಕಾರ ಜೋರಾಗಿತ್ತು. ಜಡೇಜಾ, ಚಪಾಕ್ನಲ್ಲಿ ಕ್ರಿಕೆಟ್ ಪ್ರೇಮಿಗಳಿಗೆ ಚಮಕ್ ನೀಡಿರೋದು ಇದೀಗ ವೈರಲ್ ಆಗಿದೆ. ಇನ್ನು ಧೋನಿ ವಿನ್ನಿಂಗ್ ರನ್ ಬಾರಿಸಿದರು. ಇದನ್ನು ನೋಡಿ ಫ್ಯಾನ್ಸ್ ಸಕತ್‌ ಖುಷಿಪಟ್ಟಿದ್ದಾರೆ.
Ravindra Jadeja teased the Chepauk crowd by coming ahead of MS Dhoni then going back. 🤣
- This is amazing!! ❤️👌 pic.twitter.com/KPp4FewM17
— Mufaddal Vohra (@mufaddal_vohra) April 9, 2024
