ಬಾಲಿವುಡ್ ನಿರ್ದೇಶಕ ಕುಮಾರ್ ಶಹಾನಿ ನಿಧನ

ಮುಂಬೈ: ಬಾಲಿವುಡ್  ನಿರ್ದೇಶಕ, ನಿರ್ಮಾಪಕ ಕುಮಾರ್ ಶಹಾನಿ ಅವರು 83ನೇ ವರ್ಷಕ್ಕೆ ಫೆ.24ರ ರಾತ್ರಿ 11 ಗಂಟೆಗೆ ಕೊಲ್ಕತ್ತಾದಲ್ಲಿ  ನಿಧನರಾಗಿದ್ದಾರೆ.

ಕೆಲದಿನಗಳಿಂದ ಕುಮಾರ್ ಶಹಾನಿ ಅವರು ಅನಾರೋಗ್ಯದಿಂದ ಬಳಲುತ್ತಿದ್ದರು. ಸೂಕ್ತ ಚಿಕಿತ್ಸೆಗಾಗಿ ಕೊಲ್ಕತ್ತಾದ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದರು. ಇದೀಗ ಚಿಕಿತ್ಸೆ ಫಲಿಸದೇ ಕುಮಾರ್ ಶಹಾನಿ ಅವರು ನಿಧನರಾಗಿದ್ದಾರೆ.

ಕುಮಾರ್ ಶಹಾನಿ ನಿಧನದ ಬಗ್ಗೆ ಅವರ ಕುಟುಂಬದ ಆಪ್ತರಾದ ಮಿತಾ ವಸಿಷ್ಠ ಮಾಧ್ಯಮಕ್ಕೆ ತಿಳಿಸಿದ್ದಾರೆ.

ನಿರ್ದೇಶಕ, ನಿರ್ಮಾಪಕರಾಗಿ ಗುರುತಿಸಿಕೊಂಡಿರುವ ಕುಮಾರ್ ಶಹಾನಿ ಅವರು ಕಳೆದ 6 ದಶಕಗಳಿಂದ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ.

ಕುಮಾರ್ ಶಹಾನಿ ನಿಧನಕ್ಕೆ ಬಾಲಿವುಡ್ ನಟ-ನಟಿಯರು, ಆಪ್ತರು ಕಂಬನಿ ಮಿಡಿದಿದ್ದಾರೆ.