ಪಂದ್ಯ ವೀಕ್ಷಿಸಲು ಬಂದ ವಿಶೇಷ ಅತಿಥಿ; ಆಹ್ವಾನವಿಲ್ಲದೆ ಬಂದವರನ್ನು ನೋಡಿ ಆಟಗಾರರ ಓಟ

ಶ್ರೀಲಂಕಾ: ಶ್ರೀಲಂಕಾ ಮತ್ತು ಅಫ್ಘಾನಿಸ್ತಾನ ನಡುವಿನ ಮೊದಲ ಟೆಸ್ಟ್ ಪಂದ್ಯ ಸಿಂಹಳೀಸ್ ಸ್ಪೋರ್ಟ್ಸ್ ಕ್ಲಬ್ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿದ್ದು, ಮೈದಾನದಲ್ಲಿ ಕೆಲಕಾಲ ಆತಂಕದ ವಾತಾವರಣ ಸೃಷ್ಟಿಯಾಗಿತ್ತು.

ಪಂದ್ಯ ನಡೆಯುತ್ತಿದ್ದಾಗ ಮೈದಾನಕ್ಕೆ ನುಗ್ಗಿದ ಮಾನಿಟರ್ ಹಲ್ಲಿಯನ್ನು ಕಂಡು ಆಟಗಾರರು ಭಯಭೀತರಾದರು. ಅಂಪೈರ್ ಕೂಡ ಇದಕ್ಕೆ ಹೊರತಾಗಿರದೆ ಕೆಲಕಾಲ ಆಟವನ್ನು ಸ್ಥಗಿತಗೊಳಿಸಿದ್ದಾರೆ.

ಏಷ್ಯಾ ಮತ್ತು ದಕ್ಷಿಣ ಆಫ್ರಿಕಾದ ಕಾಡುಗಳಲ್ಲಿ ಕಂಡುಬರುವ ಮಾನಿಟರ್ ಹಲ್ಲಿ ಮೈದಾನಕ್ಕೆ ಬಂದದ್ದನ್ನು ಬೌಂಡರಿಯಲ್ಲಿ ನಿಂತಿದ್ದ ಹಲವು ಆಟಗಾರರು ಮತ್ತು ಅಂಪೈರ್‌ಗಳು ಗಮನಿಸಿದರು. ಇದರಿಂದ ಕೆಲಕಾಲ ಆತಂಕ ಸೃಷ್ಟಿಯಾಗಿತ್ತಾದರೂ ಅದು ಯಾರಿಗೂ ಏನೂ ಹಾನಿ ಮಾಡದೆ ಹೊರಬಂದಾಗ ಆಟ ಎಂದಿನಂತೆ ಮುಂದುವರೆಯಿತು.

We had an uninvited guest on the field today 🦎😄#SonySportsNetwork #SLvAFG pic.twitter.com/1LvDkLmXij

— Sony Sports Network (@SonySportsNetwk) February 3, 2024