ರಾಮೇಶ್ವರಂ ಕೆಫೆ ಬ್ಲಾಸ್ಟ್‌ ಪ್ರಕರಣ; ಶಂಕಿತನ ಮತ್ತೊಂದು ಫೋಟೋ ಬಯಲು

ಬೆಂಗಳೂರು: ರಾಮೇಶ್ವರಂ ಕೆಫೆ ಬ್ಲಾಸ್ಟ್‌ ಪ್ರಕರಣದ ಶಂಕಿತ ಆರೋಪಿಯ ಹೊಸ ಫೋಟೋವನ್ನು ರಾಷ್ಟ್ರೀಯ ತನಿಖಾ ಸಂಸ್ಥೆ ಹಂಚಿಕೊಂಡಿದೆ.

ಸ್ಫೋಟ ಸಂಭವಿಸುವ ಒಂದು ಗಂಟೆ ಮೊದಲು ಶಂಕಿತ ಬಸ್‌ ಏರಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ತನ್ನ ಬ್ಯಾಗನ್ನು ಕೆಫೆಯಲ್ಲಿ ಬಿಟ್ಟು ಹೋದವ ಟಿ-ಶರ್ಟ್‌, ತೊಪ್ಪಿ ಹಾಗು ಮುಖ ಮುಚ್ಚುವಂತೆ ಮಾಸ್ಕ ತೊಟ್ಟಿದ್ದ.

ಅದೇ ದಿನ ಬೆಳಗ್ಗೆ ಆತ ಬಸ್‌ ನಿಲ್ದಾಣದಲ್ಲಿ ಅತ್ತಿಂದಿತ್ತ ಓಡಾಡುವುದು ಕಂಡುಬಂದಿದೆ. ಶಂಕಿತನಿಗೆ ಸಂಬಂಧಿಸಿದ ಯಾವುದೇ ಮಾಹಿತಿ ದೊರೆತಲ್ಲಿ ಅದನ್ನು ಹಂಚಿಕೊಳ್ಳುವಂತೆ ಕೋರಿರುವ NIA, ಮಾಹಿತಿ ನೀಡಿದವರಿಗೆ ರೂ.೧೦ಲಕ್ಷ ಬಹುಮಾನ ಘೋಷಿಸಿದೆ.