ಐತಿಹಾಸಿಕ ಸಾಧನೆ ಮಾಡಿದ ಉಗಾಂಡ ಕ್ರಿಕೆಟ್ ಟೀಂ
ನಮೀಬಿಯಾ: ಉಗಾಂಡ ದೇಶವು ಐತಿಹಾಸಿಕ ಸಾಧನೆ ಮಾಡಿದ್ದು ರುವಾಂಡಾ ತಂಡವನ್ನು ಸೋಲಿಸುವ ಮೂಲಕ ಇದೇ ಮೊದಲ ಬಾರಿಗೆ T20 ವಿಶ್ವಕಪ್ ಟೂರ್ನಿಗೆ ಅರ್ಹತೆ ಪಡೆದುಕೊಂಡಿದೆ.
ನಮೀಬಿಯಾದ ವಿಂಡ್ಹೋಕ್ನ ವಾಂಡರರ್ಸ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದುಕೊಂಡು ಉಗಾಂಡ ಫೀಲ್ಡಿಂಗ್ ಆಯ್ದುಕೊಂಡಿತು. ಬ್ಯಾಟಿಂಗ್ ಮಾಡಲು ಬಂದ ಎದುರಾಳಿ ರುವಾಂಡಾವನ್ನು 18.5 ಓವರ್ಗಳಲ್ಲಿ ಕೇವಲ 65 ರನ್ಗಳಿಗೆ ಆಲೌಟ್ ಮಾಡಿತು. ಬಳಿಕ ಬ್ಯಾಟಿಂಗ್ ಮಾಡಿದ ಉಗಾಂಡ 8.1 ಓವರ್ನಲ್ಲಿ 1 ವಿಕೆಟ್ ನಷ್ಟಕ್ಕೆ 66 ರನ್ ಗಳಿಸುವ ಮೂಲಕ ವಿಜಯ ಮಾಲೆ ಧರಿಸಿಕೊಂಡಿತು.
ಇದರಿಂದ 2024ರ T20 ವಿಶ್ವಕಪ್ ಟೂರ್ನಿಗೆ ಇದೇ ಮೊದಲ ಬಾರಿಗೆ ಎಂಟ್ರಿ ಪಡೆದುಕೊಂಡು ಇತಿಹಾಸ ನಿರ್ಮಿಸಿದೆ. ವಿಶ್ವಕಪ್ಗೆ ಅರ್ಹತೆ ಪಡೆದುಕೊಳ್ಳುತ್ತಿದ್ದಂತೆ ಆಟಗಾರರೆಲ್ಲ ಮೈದಾನದಲ್ಲೇ ಕುಣಿದು ಸಂಭ್ರಮಿಸಿದ್ದಾರೆ. 2024ರ T20 ವಿಶ್ವಕಪ್ ಈ ಬಾರಿ ವೆಸ್ಟ್ ಇಂಡೀಸ್ ಹಾಗೂ ಅಮೆರಿಕದಲ್ಲಿ ನಡೆಯಲಿದೆ.
Celebration from Uganda after qualifying for 2024 T20 World Cup.
- Cricket is beautiful...!!! 👏❤️pic.twitter.com/LLoBmO4x3Y
— Mufaddal Vohra (@mufaddal_vohra) November 30, 2023