ಅಯ್ಯೋ ಈ ಲೇಸ್ ನಲ್ಲಿ ಇರೋದು ಎರಡೇ ಚಿಪ್ಸ್
ಬೆಂಗಳೂರು: ಲೇಸ್ ಅಂದ್ರೆ ಯಾರಿಗೆ ಇಷ್ಟ ಇಲ್ಲ ಹೇಳಿ ಮಕ್ಕಳಷ್ಟೇ ಅಲ್ಲ ದೊಡ್ಡವರು ಕೂಡಾ ಲೇಸ್ ಚಿಪ್ಸ್ ಅನ್ನು ಇಷ್ಟಪಟ್ಟು ತಿನ್ನುತ್ತಾರೆ. ಆ ಚಿಪ್ಸ್ ಪ್ಯಾಕೆಟ್ ಅಲ್ಲಿ ಗಾಳಿಯೇ ತುಂಬಿರುತ್ತದೆ ಎಂದು ಎಲ್ಲರು ಟ್ರೂಲ್ ಮಾಡುತ್ತಾರೆ ಮತ್ತೆ ಅದು ನಿಜ ಕೂಡ.
5, 10,20 ಹಾಗೂ ಇನ್ನು ಹೆಚ್ಚಿನ ಬೆಲೆಯಲ್ಲಿ ಸಿಗುವ ಲೇಸ್ ನಲ್ಲಿ ಬಹಳಷ್ಟು ಕಡಿಮೆ ಚಿಪ್ಸ್ ಗಳಿರುತ್ತವೆ. 5 ರೂಪಾಯಿ ಲೇಸ್ ನಲ್ಲಿ ಹೆಚ್ಚೆಂದರೆ 8 ರಿಂದ 10 ಲೆಸ್ ಗಳಿವೆ ಆದ್ರೂ ಜನ ಇದನ್ನೇ ಖರೀದಿಸುತ್ತಾರೆ.
ಅದೇ ರೀತಿ ಇಲ್ಲೊಬ್ಬ ವ್ಯಕ್ತಿ 5 ರೂಪಾಯಿ ಲೇಸ್ ಖರೀದಿಸಿದ್ದು, ಆತ ಖರೀದಿಸಿದ ಲೇಸ್ ಪ್ಯಾಕೆಟ್ ಅಲ್ಲಿ ಕೇವಲ 2 ಚಿಪ್ಸ್ ಮಾತ್ರ ಸಿಕ್ಕಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ದಿವ್ಯಾಂಶು ಕಶ್ಯಪ್ (@Divyans60201407) ಎಂಬವರು ಈ ವಿಡಿಯೋವನ್ನು ತಮ್ಮ X ಖಾತೆಯಲ್ಲಿ ಹಂಚಿಕೊಂಡಿದ್ದು, ʼಬಹಳ ಆಸೆಯಿಂದ 5 ರೂಪಾಯಿಯ ಕ್ಲಾಸಿಕ್ ಸಾಲ್ಟೆಡ್ ಫ್ಲೇವರ್ ಲೇಸ್ ಖರೀದಿಸಿದರೆ, ಅದ್ರಲ್ಲಿ ಕೇವಲ 2 ಚಿಪ್ಸ್ ಮಾತ್ರ ಸಿಕ್ಕಿದೆ. ನಾವು ನಿರೀಕ್ಷೆ ಮಾಡಿದ್ದಕ್ಕಿಂತಲೂ ಬಹಳ ಕಡಿಮೆ ಚಿಪ್ಸ್ ಇದರಲ್ಲಿದೆʼ ಎಂದು ಲೇಸ್ (@Lays_India) ಕಂಪೆನಿಯನ್ನು ಟ್ಯಾಗ್ ಮಾಡಿ ಶೀರ್ಷಿಕೆಯನ್ನು ಬರೆದುಕೊಂಡಿದ್ದಾರೆ.
ಡಿಸೆಂಬರ್ 8 ರಂದು ಹಂಚಿಕೊಳ್ಳಲಾದ ಈ ವಿಡಿಯೋ 34.4K ವೀಕ್ಷಣೆಗಳನ್ನು ಪಡೆದುಕೊಂಡಿದೆ. 'ನಾವು ಕೇವಲ ಚಿಪ್ಸ್ ಪ್ಯಾಕೆಟ್ ಅಲ್ಲಿ ಗಾಳಿ ಮಾತ್ರ ತುಂಬಿಸಿರಬಹುದು ಎಂದು ಭಾವಿಸಿದ್ದೆವು, ಪುಣ್ಯಕ್ಕೆ ನಿಮಗೆ ಎರಡು ಚಿಪ್ಸ್ ಆದ್ರೂ ಸಿಕ್ಕಿದೆ, ಅದಕ್ಕೆ ಖುಷಿ ಪಡಿ ಎಂದು ನೆಟ್ಟಿಗರು ಆ ವಿಡಿಯೋಗೆ ಕಮೆಂಟ್ ಮಾಡಿದ್ದಾರೆ.