ಕಲೆಕ್ಷನ್‌ ನಲ್ಲಿ ಕಮಾಲ್‌ ಮಾಡಿದ ಅನಿಮಲ್‌

ಹೈದರಾಬಾದ್: ಚಿತ್ರರಂಗದಲ್ಲಿ ರಣಬೀರ್‌ ನಟನೆಯ ಅನಿಮಲ್‌ ಚಿತ್ರ ಭರ್ಜರಿ ಕಮಾಲ್‌ ಮಾಡುತ್ತಿದೆ. ಟಾಲಿವುಡ್‌ ನಿರ್ದೇಶಕ ಸಂದೀಪ್‌ ವಂಗಾ ʼಅನಿಮಲ್‌ʼ ಮೂಲಕ ಪ್ಯಾನ್‌ ಇಂಡಿಯಾದಲ್ಲಿ ಮೋಡಿ ಮಾಡಿದ್ದಾರೆ.

ತಂದೆ – ಮಗನ ಎಮೋಷನಲ್‌ ಅಂಶಗಳನ್ನು ಇಟ್ಟುಕೊಂಡು ಮಾಸ್‌ ಆಗಿ ಸ್ಕ್ರೀನ್‌ ಮೇಲೆ ಅದನ್ನು ತೋರಿಸುವ ರೀತಿಗೆ ಹಾಗೂ ರಣ್ಬೀರ್‌ ಕಪೂರ್‌, ಬಾಬಿ ಡಿಯೋಲ್‌ ಅವರ ಅಭಿನಯಕ್ಕೆ ಪ್ರೇಕ್ಷಕರು ಫಿದಾ ಆಗಿದ್ದಾರೆ.

ರಿಲೀಸ್‌ ಆದ ಮೊದಲ ದಿನ ಸಿನಿಮಾ 61 ಕೋಟಿ ರೂ.ಗಳಿಸಿತ್ತು. ಆ ಮೂಲಕ ಶಾರುಖ್‌ ಖಾನ್‌ ಅವರ ʼಪಠಾಣ್‌ʼ ಹಗೂ ಸನ್ನಿ ಡಿಯೋಲ್‌ ಅವರ ʼಗದರ್‌ -2ʼ ಫಸ್ಟ್‌ ಡೇ ರೆಕಾರ್ಡ್‌ ಬ್ರೇಕ್‌ ಮಾಡಿತ್ತು. ಇದೀಗ ಎರಡನೇ ದಿನದ ಕಲೆಕ್ಷನ್‌ ನಲ್ಲಿ ಮತ್ತೊಂದು ದಾಖಲೆಯನ್ನು ʼಅನಿಮಲ್‌ʼ ಬರೆದಿದೆ. ಎರಡನೇ ದಿನದ ಆರಂಭಿಕ ಅಂದಾಜಿನ ಪ್ರಕಾರ, ಭಾರತದಲ್ಲಿ 63.80 ಕೋಟಿ ಗಳಿಸಿದೆ. ಇದುವರೆಗಿನ ಒಟ್ಟು ಗಳಿಕೆ 129.80 ಕೋಟಿ ರೂ.ಆಗಿದೆ.