ಬ್ಯಾಟ್​​ ಬೀಸಲು ಹೋಗಿ ಮುಖ ಒಡೆದುಕೊಂಡ ಶಾಸಕ; ವಿಡಿಯೋ ವೈರಲ್

ಭವಾನಿಪಟ್ಟಣ: ಬಿಜು ಜನತಾ ದಳ (ಬಿಜೆಡಿ) ಶಾಸಕ ಭುಪಿಂದರ್​ ಸಿಂಗ್​ ಬ್ಯಾಟ್​ ಬೀಸಲು ಹೋಗಿ ನೆಲಕ್ಕುರುಳಿ ಗಾಯಗೊಂಡಿರುವ ಘಟನೆ ಕಲಹಂಡಿ ಜಿಲ್ಲೆಯ ಬೆಲ್​ಖಂಡಿಯಲ್ಲಿ ನಡೆದಿದೆ.

ಸೋಮವಾರದಂದು ನಾರ್ಲದಲ್ಲಿ ಕ್ರೀಡಾಕೂಟವನ್ನು ಉದ್ಘಾಟಿಸಿದ ಭುಪಿಂದರ್​ ಸಿಂಗ್​ ಕ್ರಿಕೆಟ್​ ಪಿಚ್​ನಲ್ಲಿ ಬ್ಯಾಟ್​ ಬೀಸಲು ಮುಂದಾದರು. ಈ ವೇಳೆ ಬ್ಯಾಲೆನ್ಸ್​ ತಪ್ಪಿ ಕೆಳಕ್ಕೆ ಬಿದ್ದಿದ್ದಾರೆ.

ಬಿದ್ದ ಪರಿಣಾಮ ತಲೆ ನೆಲಕ್ಕೆ ಬಡಿದುಕೊಂಡು ಗಾಯಗೊಂಡಿದ್ದಾರೆ. 72 ವರ್ಷದ ಭುಪಿಂದರ್​ ಸಿಂಗ್ ಅವರನ್ನು ಹತ್ತಿರದ ಆಸ್ಪತ್ರೆಗೆ ಕರೆದುಕೊಂಡು ಹೋಗಲಾಗಿದ್ದು, ಸದ್ಯ ಅಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ತಿಳಿದುಬಂದಿದೆ.