ಯಶ್ 19 ಚಿತ್ರ ʼಟಾಕ್ಸಿಕ್ʼ ದ ಡೈರೆಕ್ಟರ್ ಯಾರು ಗೊತ್ತಾ?
ಯಶ್ ನಟನೆಯ ಮುಂದಿನ ಚಿತ್ರಕ್ಕೆ ‘ಟಾಕ್ಸಿಕ್’ ಟೈಟಲ್ ಫೈನಲ್ ಮಾಡಲಾಗಿದೆ. ಈ ಚಿತ್ರದ ಟೈಟಲ್ ರಿವೀಲ್ ಆಗಿದೆ. ಯಶ್ ಅವರ ಲುಕ್ ಹೇಗಿರಬಹುದು ಎನ್ನುವ ಬಗ್ಗೆ ಒಂದು ಹಿಂಟ್ ನೀಡಲಾಗಿದೆ. ಈ ಸಿನಿಮಾ ಯಾವಾಗ ರಿಲೀಸ್ ಆಗಲಿದೆ ಎನ್ನುವ ಬಗ್ಗೆಯೂ ತಂಡ ಮಾಹಿತಿ ಹಂಚಿಕೊಂಡಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ 2025ರ ಏಪ್ರಿಲ್ 10ರಂದು ಸಿನಿಮಾ ರಿಲೀಸ್ ಆಗಲಿದೆ.
ಇನ್ನು ಯಶ್ ಇಷ್ಟರವರೆಗೆ ಮಾಡಿರುವ ಸಿನಿಮಾವನ್ನು ಪುರುಷರು ಡೈರೆಕ್ಟ್ ಮಾಡಿಕೊಂಡು ಬಂದಿದ್ದಾರೆ. ಅಷ್ಟೇ ಏಕೆ ಪ್ರಶಾಂತ್ ನೀಲ್ ಆ್ಯಕ್ಷನ್ ಕಟ್ಟ್ ಹೇಳಿದ ಕೆಜಿಎಪ್ ಸರಣಿಗಳು ಧೂಳೆಬ್ಬಿಸಿದ್ದಲ್ಲದೆ, ಸ್ಯಾಂಡಲ್ವುಡನ್ನ ಎಲ್ಲರು ತಿರುಗಿ ನೋಡುವಂತೆ ಮಾಡಿದ್ದರು. ಆದರೀಗ ಯಶ್ 19ನೇ ಸಿನಿಮಾ ‘ಟಾಕ್ಸಿಕ್’ ಅನ್ನು ಮಹಿಳಾ ಮಣಿಯೊಬ್ಬರು ನಿರ್ದೇಶಿಸುತ್ತಿದ್ದಾರೆ. ಗೀತು ಮೋಹನ್ ಎಂಬ ಮಲಯಾಳಂ ನಟಿ, ನಿರ್ದೇಶಕಿ ಈ ಸಿನಿಮಾ ಡೈರೆಕ್ಟ್ ಮಾಡುತ್ತಿದ್ದಾರೆ.
ನಿರ್ದೇಶಕಿಯಾಗಿ ಗೀತು ಮೋಹನ್ ದಾಸ್ ಅವರು ಮಾಡಿರುವುದು ಎರಡು ಸಿನಿಮಾ ಮಾತ್ರ. ಮೊದಲ ಸಿನಿಮಾ ‘ಲೈಯರ್ಸ್ ಡೈಸ್’. ಎರಡನೇ ಸಿನಿಮಾ ‘ಮೂತೊನ್’. ಈ ಎರಡೂ ಚಿತ್ರಗಳು ವಿಮರ್ಶಕರ ಮೆಚ್ಚುಗೆ ಪಡೆದುಕೊಂಡಿವೆ. 87ನೇ ಆಸ್ಕರ್ ಪ್ರಶಸ್ತಿಗೆ ಭಾರತದಿಂದ ‘ಲೈಯರ್ಸ್ ಡೈಸ್’ ಸಿನಿಮಾವನ್ನು ಸ್ಪರ್ಧೆಗೆ ಕಳಿಸಲಾಗಿತ್ತು. ಆದರೆ ನಾಮಿನೇಟ್ ಆಗಿರಲಿಲ್ಲ. ಈ ಚಿತ್ರಕ್ಕೆ ‘ಅತ್ಯುತ್ತಮ ನಟಿ’, ‘ಅತ್ಯುತ್ತಮ ಛಾಯಾಗ್ರಹಣ’ ವಿಭಾಗದಲ್ಲಿ ರಾಷ್ಟ್ರ ಪ್ರಶಸ್ತಿ ಸಿಕ್ಕಿತ್ತು. ಈಗ ಮೂರನೇ ಸಿನಿಮಾದಲ್ಲಿ ಅವರು ಯಶ್ಗೆ ನಿರ್ದೇಶನ ಮಾಡುವ ಅವಕಾಶ ಪಡೆದಿದ್ದಾರೆ.
ಪರಭಾಷೆಗಳಲ್ಲಿ ಕೆಲವು ಸಿನಿಮಾಗಳನ್ನು ನಿರ್ದೇಶನ ಮಾಡಿರುವ ಗೀತು ಮೋಹನ್ದಾಸ್ ಅವರು ‘ಟಾಕ್ಸಿಕ್’ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಈ ಸಿನಿಮಾದ ಟೈಟಲ್ನ ಇಂದು (ಡಿಸೆಂಬರ್ 8) ರಿವೀಲ್ ಮಾಡಲಾಗಿದೆ. ಕೈಯಲ್ಲಿ ಗನ್ ಹಿಡಿದು, ತಲೆಗೆ ಟೋಪಿ ಹಾಕಿ, ಬಾಯಲ್ಲಿ ಸಿಗಾರ್ ಹಿಡಿದುಕೊಂಡಿರುವ ರೀತಿಯಲ್ಲಿ ‘ಟಾಕ್ಸಿಕ್’ ಪೋಸ್ಟರ್ ಮೂಡಿ ಬಂದಿದೆ.
Read More:
https://newskannada.com/gandhi-nagar/sandalwood/rock-star-yash-announced-19/08122023