ಆದಿತ್ಯ ಎಲ್‌ 1 ಮಿಷನ್‌ ಕುರಿತು ಮಹತ್ವದ ಅಪ್‌ಡೇಟ್‌ ನೀಡಿದ ಇಸ್ರೋ

ಬೆಂಗಳೂರು: ಸೂರ್ಯನ ಅಧ್ಯಯನಕ್ಕಾಗಿ ಇಸ್ರೋ ಕಳುಹಿಸಿರುವ ಆದಿತ್ಯ ಎಲ್‌ 1 ನೌಕೆಯ ಎರಡನೇ ಉಪಕರಣ ಚಾಲನೆಯಾಗಿದೆ. ಇಸ್ರೋ ಕಮಾಂಡಿಂಗ್‌ ಕೇಂದ್ರದಿಂದ ಆದಿತ್ಯ ಎಲ್‌ 1 ನೌಕೆಯ ಎರಡನೇ ಉಪಕರಣ ಸೋಲಾರ್‌ ವಿಂಡ್‌ ಅಯಾನ್‌ ಸ್ಪಕ್ಟ್ರೋಮೀಟರ್‌ ಚಾಲನೆಗೊಳಿಸಿರುವುದಾಗಿ ಇಸ್ರೋ ಹೇಳಿದೆ.

ಈ ಸ್ವಿಸ್ ಉಪಕರಣ ಆದಿತ್ಯ ಎಲ್‌ 1 ನೌಕೆಯ ಸೋಲಾರ್‌ ವಿಂಡ್‌ ಪಾರ್ಟಿಕಲ್‌ ಎಕ್ಸ್‌ ಪೆರಿಮೆಂಟ್‌ ಭಾಗವಾಗಿದ್ದು, ಕಳೆದ 2 ದಿನಗಳಲ್ಲಿ ಸ್ವಿಸ್‌ ನಿಂದ ಕಂಡುಕೊಳ್ಳಲಾದ ಪ್ರೋಟಾನ್‌ ಮತ್ತು ಅಲ್ಟ್ರಾ ಕಣಗಳ ಶಕ್ತಿಯ ವ್ಯತ್ಯಾಸಗಳನ್ನು ಗುರುತಿಸಿದೆ.