ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಮತದಾನಕ್ಕೆ ತೆರೆ; 71.83% ಮತದಾನ

ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಮತದಾನಕ್ಕೆ ತೆರೆ ಬಿದ್ದಿದೆ. ಉಡುಪಿ - ಚಿಕ್ಕಮಗಳೂರು ಜಿಲ್ಲೆ ಲೋಕಸಭಾ ಕ್ಷೇತ್ರದಲ್ಲಿ ಸಂಜೆ 5 ಗಂಟೆಯವರೆಗೆ 72.13% ಪ್ರತಿಶತ ಮತದಾರರು ಮತ ಚಲಾಯಿಸಿದ್ದಾರೆ.

ದ.ಕ.ದಲ್ಲಿ 71.83% ಮತದಾನವಾಗಿದೆ. 3.00 ಮಧ್ಯಾಹ್ನ- 57.49% ಮತದಾನ ಉಡುಪಿ- ಚಿಕ್ಕಮಗಳೂರು (ಕಾರ್ಕಳ 59.48%, ಕಾಪು 60.24%, ಕುಂದಾಪುರ 59.44%, ಚಿಕ್ಕಮಗಳೂರು 52.37%, ಮೂಡಿಗೆರೆ 57.92%, ಶೃಂಗೇರಿ 5% ಮತ್ತು ತರೀಕೆರೆ 58.64%) ಮತದಾನವಾಗಿದೆ. ಬಂಜಾರು ಮಲೈ 100% ಮತದಾನವಾಗಿದೆ.

ಬೆಳಿಗ್ಗೆಯಿಂದಲೇ ಮತದಾರರು ತಮ್ಮ ತಮ್ಮ ಮತಗಟ್ಟೆಗಳಿಗೆ ಬಂದು ತಮ್ಮ ಅಮೂಲ್ಯ ಮತಗಳನ್ನು ಚಲಾಯಿಸುತ್ತಿದ್ದಾರೆ, ಸುಡು ಬಿಸಿಲನ್ನು ಲೆಕ್ಕಿಸದೆ ಮತದಾರರು ಮತಗಟ್ಟೆಗಳತ್ತ ಹೆಜ್ಜೆ ಹಾಕಿದ್ದಾರೆ. ಇನ್ನು ಮತಯಂತ್ರಗಳನ್ನ ಸುರಕ್ಷಿತವಾಗಿ ಡಿಮಸ್ಟರಿಂಗ್ ಕೇಂದ್ರಕ್ಕೆ ತಲುಪಿಸಲು ಅಧಿಕಾರಿಗಳು ತಯಾರಿ ಮಾಡಿ ಕೊಂಡಿದ್ದಾರೆ.