ಶುದ್ಧ ಸಸ್ಯಹಾರಿಗಳಿಗೆ ಸಿಹಿಸುದ್ದಿ ನೀಡಿದ ಜೋಮಾಟೋ; ಗ್ರಾಹಕರ ಅನುಕೂಲಕ್ಕೆ ತಕ್ಕ ನಡೆ

ಆನ್‌ಲೈನ್‌ ಆಹಾರ ವಿತರಕ ಕಂಪನಿ ಜೊಮಾಟೋದಲ್ಲಿ ಇನ್ನುಮುಂದೆ ಶುದ್ಧ ಸಸ್ಯಹಾರಿ ಆಹಾರವೂ ದೊರಕಲಿದೆ. ಕಂಪನಿಯ ಸ್ಥಾಪಕ ಮತ್ತು ಸಿಇಒ ದೀಪಿಂದರ್‌ ಗೋಯಲ್‌ ಮಂಗಳವಾರ ಈ ಘೋಷಣೆ ಮಾಡಿದ್ದು, ʼಭಾರತ ಜಗತ್ತಿನಲ್ಲೇ ಅತಿ ಹೆಚ್ಚು ಸಸ್ಯಹಾರಿಗಳಿರುವ ದೇಶ. ನಮ್ಮ ಗ್ರಾಹಕರಿಂದ ನಮಗೆ ದೊರಕಿರುವ ಪ್ರತಿಕ್ರಿಯೆಯಲ್ಲಿ ಅಂತಹವರು ತಾವು ಸೇವಿಸುವ ಆಹಾರದ ತಯಾರಿ ಮತ್ತು ವಿರತಣೆಯ ಬಗ್ಗೆ ಕಾಳಜಿ ಹೊಂದಿದ್ದಾರೆಂದು ತಿಳಿಯಿತುʼ ಎಂದರು.

ಇನ್ನುಮುಂದೆ ಶುದ್ಧ ಸಸ್ಯಹಾರಿಗಳಿಗಾಗಿ ಅವರ ಇಚ್ಛೆಯಂತೆ ಸಸ್ಯಾಹಾರವನ್ನು ವಿತರಿಸುವುದಾಗಿ ತಿಳಿಸಿದ ಗೋಯಲ್‌, ಮಂಸಾಹಾರಿ ಖಾದ್ಯಗಳನ್ನು ತಯಾರಿಸುವ ಹೋಟೆಲ್‌ಗಳನ್ನು ಹೊರತುಪಡಿಸಿ ಕೇವಲ ಸಸ್ಯಾಹಾರಿ ವ್ಯಂಜನಗಳನ್ನು ತಯಾರಿಸುವ ರೆಸ್ಟೋರೆಂಟ್‌ಗಳಿಂದ ಈ ಆಹಾರ ಪೂರೈಕೆಯಾಗುತ್ತದೆ ಎಂದು ಭರವಸೆ ನೀಡಿದರು.

ತಮ್ಮ ಈ ಪ್ರಯತ್ನವು ಯಾವುದೇ ಧರ್ಮ ಅಥವ ರಾಜಕೀಯ ಆದ್ಯತೆಗಳ ಆಧಾರದಲ್ಲಿ ತಾರತಮ್ಯ ಮಾಡುವುದಿಲ್ಲ ಎಂದು ಅವರು ಸ್ಪಷ್ಟಪಡಿಸಿದರು.